Home » WARARKA MAANTA » Xildhibaan Faarax C/qaadir oo lacago ugu deeqay dadka ku tabaaloobay abaaraha

Xildhibaan Faarax C/qaadir oo lacago ugu deeqay dadka ku tabaaloobay abaaraha

Mudane Faarax C/qaadir oo ka mid ah xildhibaannada baarlamanka islamarkaana ah musharax u taagan qabashada xilka gudoonka baarlamanka Federaalka Soomaaliya ayaa deeq lacageed gudoonsiiyay guddiga gurmadka abaaraha si loo gaarsiiyo dadka ay saameynta ku yeelatay abaarta ka taagan dalka.

Munaasabad kooban oo lagu qabtay Muqdisho ayaa musharax Faarax C/qaadir wuxuu warbixin ku saabsan abaarta uga dhageystay gudoomiyaha gudiga Qaran ee gurmadka abaaraha Cabdi Axmed Baafo oo sheegay iney si cadaalad ah u gaarsiindoonaan deeqdan dadka u baahan.

Xildhibaan Faarax C/qaadir ayaa nasiibdaro weyn ku tilmaamay in xiligan casriga ah ay dad Soomaaliyeed abaar iyo biyo la’aan ugu dhimanayaan qeybo ka mid ah dalka, wuxuuna ugu baaqay bulshada iney qeyb weyn ka qaataan gurmadka lagu badbaadinayo nafta dadka Soomaaliyeed ee abaarta ku tabaaloobay.

Waxaa laga deyrinayaa xaaladda abaarta ka taagan dalka, iyadoo la sheegay in dadka iyo duunyaduba ay u dhimanayaan abaar iyo biyo la’aan baahsan oo ka jirta dalka.

x

Check Also

Akhriso- Maamulka Hirshabeelle oo war culus soo saaray

Maamul-gobaleedka Hirshabeelle ayaa shaaca ka qaaday in uu joojiyay wada-shaqayntii kala dhexeysay hay’adaha Qaramada Midoobay ee ka howlgala dalka. Hadalkan waxaa lagu sheegay shir-jaraa’id oo ay maanta si wadajir ah ...

La soco wararkii ugu dambeeyay ee amni-darrada ku soo kordhaysa Muqdisho

Waxaa maanta magaalada Muqdisho ka dhacay qarax loo adeegsaday miino, kaas oo kordhinaya tirada qaraxyada maalmihii u dambeeyay ka dhacayay magaalada. Qaraxan ayaa waxa uu ka dhacay agagaarka isgooyska Debka ...

Watch Dragon ball super