Home » WARARKA MAANTA » Magaca Soomaaliya oo meel wanaagsan lagu soo qoray (akhriso liis caalami ah)

Magaca Soomaaliya oo meel wanaagsan lagu soo qoray (akhriso liis caalami ah)

Warbixin ay Qaramada Midoobay maalgelisay ayaa muujinaysa in Soomaaliya ay ka mid tahay shanta waddan Afrika ee dadka ku nooli ay ugu farxad badan yihiin qaaradda.

Waxaa sidaas oo kale dalalka liiska ku soo baxay ku jira Algeria, Mauritius, Libya iyo Morocco.

Baarayaasha diyaariyey warbixintan ayaa waxa ay darseen 155 dal, waxa ayna sheegeen in dadka ugu liita dhinnaca farxada qaaradda Afrika ay ku nool yihiin dalka Jamhuuriyada Afrikada dhexe, ayna ku xigaan Burundi, iyo Tanzania.

Waddamada kale ee liiska xagga hoose ka galay waxa ka mid ah Rwanda, Togo, Guinea, Liberia iyo South Sudan.

Warbixinta ayaa waxa lagu salleeyay su’aalo dad ka badan 1000 qof la waydiiyey inta u dhaxeysay 2014- ilaa iyo 2016-kii.

Waxaa tusaale loo soo qaatay jaranjaro ka kooban 10 talaabo, oo ka dib dadka la waydiiyey halka ay la tahay in ay ka joogaan jaranjaradaas marka la eego dhinaca faraxa iyo nolosha ay kunool yihiin.

Qeybta warbixintaasi ee ka hadlaysa Afrika ayaa waxa lagu sheegay in laba waddan oo kaliya qaaradDa Afrika ay sameeyeen horumar dhinaca faraxa 10-kii sanno ee la soo dhaafay, wadamadaas oo kala ah, Serra Leon iyo Cameroon

Warbixinta ayaa waxa ka soo muuqanaya sawir ah in dadka Afrika ku nool badankood yihiin kuwa muujinaya rejo wanaagsan, in kastoo aanay ku faraxsanayn waxqabadka xukuumadahooda. Waxa ay sidoo kale muujinayaan bay tiri warbixintu dulqaad iyo adkaysi aad u xooggan

x

Check Also

War Naxdin leh oo laga soo sheegayo Deegaan Hoostaga Degmada Cadalle

Wararka Warbaahinta Shaaciye.com ay ka heleyso Deegaanka Nuur Dugle oo hoostaga Degmada Cadalle ee Gobolka ...

Hawlgal dad lagu qabtay oo Magaalada Muqdisho ka socda

Ciidamada qaabilsan xasilinta ammaanka Magaalada Muqdisho, ayaa saaka hawlgalo waxa ay ka wadaan xaafaddo ka ...

Watch Dragon ball super