Home » WARARKA MAANTA » Kenya oo ka hadashay arrin ku soo cusboonaatay xiriirkeeda Soomaaliya

Kenya oo ka hadashay arrin ku soo cusboonaatay xiriirkeeda Soomaaliya

Dowladda Kenya ayaa waxa ay ka hadashay qalqal la sheegay in uu soo foodsaray xiriirka diblumaasiyadeed ee kala dhexeeya Soomaaliya, ka gadaal markii booqasho aan la sii shaacin uu madaxweynaha Kenya ugu tegay ciidamadiisa ka howlgala Soomaaliya.

Af-hayeen u hadlay dowladda Kenya ayaa mar uu maanta warbaahinta kula hadlayay Nairobi waxa uu sheegay in booqashadii uu madaxweynaha Kenya ku tegay deegaanka Dhoobley ee dalka Soomaaliya ay ahayd mid muhiim u ah dardargelinta howlgallada ay ciidamada Kenya ka wadaan Soomaaliya.

Af-hayeenka ayaa intaas ku daray in aanay dhankoodu illaa iyo hadda ka war-hayn wax dhibaato ah oo ay booqashadasi u geystay xiriirka labada dal, isaga oo intaas raaciyay in haddii ay dhibaato noocaas ah timmaadana lagu xalin doono qaab diblumaasiyadeed.

Tan iyo markii uu madaxweynaha Kenya mudane- Uhuru Kenyata si lama-filaan ah u soo gaaray deegaanka Dhoobley, waxaa soo baxayay warar sheegaya in madaxtooyada Soomaaliya ay aad uga carootay booqashadaas oo ahayd mid aan laga warqabin.

Arrintan ayaa waxa ay imaanaysaa xilli la filayo in uu madaxweynaha cusub ee Soomaaliya Maxamed Cabdullaahi Farmaajo dhawaan booqasho ku tego Kenya, halkaas oo noqonaysa dalkii ugu horreysa ee gobalka ah oo uu madaxweynuhu booqdo doorashadiisa ka dib.

x

Check Also

Fiirso- Dubai oo askar aan noole ahayn yeelatay

Waxaa markii ugu horreysay magaalada Dubai laga howlgaliyay askari aalad ah oo ku shaqeeya korontada, ...

USA oo qiratay arrin aad u foolxun

Ciidamada Mareykanka ayaa baaris ay sameeyeen ku qirtay in 105 qof oo rayid ah ay ...

Watch Dragon ball super