Golaha wacyigelinta Mudulood oo Baaq Taageera ah u diray Ciidanka Xoogga iyo Maamulka G/ Sh/ dhexe.

09/12/2012

Baaqa waxaa diraya Golayaasha kala ah: Muddullood Diaspora Forum(MDF) Mudullood Youth Leadership Circle (MYLC) Mudullood Action Group(MAG) Mudullood Awareness Organisation(MAO


 

Baaqani waa baaq taageero ah waxaanu ugu horreyn u direynaa Ciidamada xoogga dalka Soomaaliyeed guusha weyn ee ay ka soo hooyeen, dagaaladii ay ku qaaddeen cadowga umadda Soomaaliyeed ee nabad diidka ee mudada afarta sano ah dhibaatada iyo gumaysiga ku hayey.
Baaqan waxaanu u direynaa dadka deegaanku iney noqdaan wehelka walaalaha usoo gurmaday ee ciidanka xoogga dalka oo aysan dhibaateyn dhexdoodana loogu soo dhuuman, waa inay si wadajir ah ula shaqeeyaan ciidanka dalka iyo dadka.
Ciidankana waxaan ugu baaqeynaa iney dadka sidey dhiigooda ugu hureyn inay u ilaaliyaan oo aysan shacabka dhibaateyn una arkin cadow iyo ee ay u arkaan dadkoodii iyo walaalahood.
Maamulka waxaan ugu baaqeynaa inay dib u soo celiyaan adeegyadii Bulshada, Isbitaaladii, iskooladii waxbarashada, wadooyinkii , Suuqyadii iyo dhamaan xarumihii bulshada.
Dowladda Soomaaliyeed waxaan ugu baaqeynaa inay dardargeliso, Ciidamada Booliiska Gobolka iyo kuwa sirdoonka Asluubta iyo ciidamo gaar ah oo gobolka ka soo jeeda in dib loo dhiso.
Bulshada Goboladda Shabeelooyinka, Banaadir waxaan ugu baaqeynaa Ganacsato iyo qurba joog iney dadkooda gargaar gaarsiiyaan oo ay u gurmadaan oo ay nafta ku qabtaan, sidoo kale dowladda Soomaaliyeed iyo hay’adaha gargaarka waa inay gurmad degdeg ah oo dhan walba gaarsiiyaan gobolka Shabeelada dhexe gebi ahaantiis.
Odayaasha dhaqanka iyo guurtida, aqoonyahanka , Siyaasiyiinta, iyo waxgaradka bulshada, haweenka, dhalinyarada, Culumada waxaan ugu baaqeynaa inay si wada jir ah wax uga qabtaan qaabkii ay ula shaqeyn lahaayeen nidaamka dowladda Soomaaliyeed loona hirgelin lahaa Maamul Goboleed isku xira Shabeelooyinka iyo Banaadir ama Shabeelooyinka iyo Hiiraan, Ama shabeelooyinka keligood, arrintaasina ha ahaato mid dowladda Soomaaliyeed loo daba fariisanayo.
Dowladda Shaqooyinka laga sugayaa waxaa ugu horreysa inay dalka nidaam iyo kala danbeyn iyo maamulo ka hirgeliso.
Dowlad wanaaga iyo ansixinta dastuurka waa shaqada dowladda loo soo doortay, haddaanu nahay beesha Mudullood waxaanu si dhab ah u taageeraynaa Ciidanka Dalka Soomaaliyeed, meel uu joogo waxaanu leeyahay geeshkayagoow Guuleysta.
Guuleysta geeshkayagoow guuleysta.
Heestii Dabaaldeg.
Dadka waxuu ku seexdaa
Dalkana suga ammaankiis
Markay geesiyaal dirran
Dabka ay u qaataan
Dibindaabyadoo idil
Darxumada ka dhawraan
Cadow dibad ka yimidiyo
Damac xumaha gudahaba
Daljiraha ka dhawree
Dalkayaga ilaalshoow
Duub cad iyo daraawiish
Booliiska daacada
Meleteriga doorka ah
Ciidankeena duubka leh
Hanbalyaan u diraynaa
Waana loo dabaaldegay
 
Muddullood Diaspora Forum(MDF)
Mudullood Youth Leadership Circle (MYLC)
Mudullood Action Group(MAG)
Mudullood Awareness Organisation(MAO)
 
 
 
 
 

Wixii arimo ah ee ku saabsan webka shaaciye.com kala xiriir milkiilaha webka Xuseen Madoobe shaaciyenews@hotmail.com ama shaaciyemedia@hotmail.com