Runti cinwaankaas shiribka ah oo aan u doortay in uu cinwaan u noqdo qormadaan xasasiga ah waxaa igu bixiyay wixi aan kusoo arkay soomaaliya oo aan joogay inta u dhexeysa 8/2/012--14/6/012 waa muddo dhan 5-bilood iyo maalmo oo aan aad ugu kuur gelaayay dhamaan hogaamiyaasha bulshada iyo madaxda dowladda ee heer qaran waxaana iisoo baxday arimahaan-

1- dowladda soomaaliyeed ee uu hormuudka ka yahay madaxweyna shariif iyo xukuumaddiisa iyo ciidanka qaran ee uu dhisay madaxweynuhu wexey cagta saareen wadadadii soomaaliya dib loogu xureyn lahaay looguna dhisi lahaay dowlad qaran oo sharaftii soomaaliyeed dib ugusoo celisa iyo umadda soomaaliyeed oo halmar jaanta isla heshay eyna ka muuqato isku duubni iyo howlkarnimo iyo daacadnimo ey u yihiin howlohooda kalsooni dhab siiyay dowladdooda soomaaliyeed ee u horkeceysa wadada neecawda qaranimo.

2- kooxo siyaasiyiin isku sheega oo usoo tafaxeytay iney dabeysha doorashooyinka lagu baaqay ka dhex kaluumeestaan hoteelada magaalada muqdishana buux dhaafshay inta badanna ka yimid dalka dibadiisa oo nabadda yar ee dowladdu muqdisho ka sameysay kulasoo dhiiraday iney dib dalka ugusoo laabtaan shaqooyinkii ey dibadda ku heesteena soo ergaday soona qaatay fasax gaaraaya ilaa dhamaadka bisha 8-daad ee agosto oo ah xiliga ey rejadoodu ku egtahay ahna xiliga ey amaba kursi ka helaayaan isbedelka amaba ey goobtaas khatarta badan ey kasoo tegayaan.

3- Hogaamiya kooxeedyo hore oo fashilmay oo aan danba u arkeyn guulahaas cad cad ee dowladdu ku tilaabsatay weligoodna aan tegin jiidaha dagaalka ey taagnaa jireen waagii isbaarooyinka ey ku dhaqnaayeen daadsaneed iyagoon marna aan dan u arag in ey guuleysato dowladdu lana helo amaan iyo dowladnimo aan lagu kala adkeyn oo ah wax eysan fahmiba karin sidey tahay.

4- Rag siyaasiyiin ah oo waayahu soo saareen marnabana aan ku faraxsaneyn in mashruucaan dowladnimada madaxweyne shariif uu sii socdo maadaama eysan danohoodii gaarka ahaay ka dhexheleyn oo ey u arkaan in buuqa siyaasadeed uu yahay beertoodii siyaasadda iyo dhaqaalaha oo baxday wexeyna isku ujeeda dhawyihin hogaamiya kooxeedyadii hore laakin weyka xariifsanyihiin beesha caalamkana wey isla qaxweestaan oo wexey u wada arkaan mashruucaan wadanigaa ee sh shariif iyo umddu wadaan ee dalka isbedel dowladnimo u horseedaaya inowsan eheyn mid la abshireesto oo uu dib ugu celinaayo bulshadii ey dhibka badan usoo mareen iney kala xirxirtaan sidii turubna ugu ciyaraan waxaana hormuud ka ah howshaas rag umaddu wada taqaan oo siyaasadda ugu jira iney ka dhex ganacsadaan cadawgana u fuliyaan ujeedooyinkiisa.

5- Beesha calamka akhyaarta lagu magacaabo oo iyagu ah niman ka kaluumeesta dhibaatada soomaaliya marnabana aan u arkeyn in ey soo afjaranto wexeyna markastaba i xasuusiyaan shiribkii abwaan cumar xaayow oo kamid ahaay saraakiishii baliiska ee dowladdii reydaka eheed oo reer tolkiis uga digaayay colaadaha iyo dagaalada dhexdoodaa ee lagu gebagebeeyo markastaba xoolohooda inta marka horana leesku diro ayuu ku yiri maalin aad loo gebagebeeyay geel badan oo ey lahaayeen ( lama bohood balaayadood beertaanyiyoo baxdaan dhahnaa) haddaba beesha caalamku wexey u aragtaa dhibaatada soomaaliya iney tahay beertoodi oo baxday mana jecla in ey soo af jaranto marnaba.

Haddaba walaal su,aashu wexey tahay yaa danu ugu jirtaa xiligaan in umadda oo weli aan dalkoodii hanan iyo dowladda oo bilowday iney dib u hanato wadankii in xiligaan umadda lagu jiha wareeriyo doorashooyin iyo khilaaf siyaasadeed oo gurucan???

Waxaan u deynaayaa akhristayaasha jawaabta laakin koleyba anigu waxaan arkaa in ey maanta waajib tahay in umaddu usoo jeesato gacansiinta dowladda si dalka ey gacanta ugu wada dhigto markaasna cidwalba ey wadanka kusoo laabato asagoo nabad ah lana bilaabo markaas doorashooyin xur ah sida caalamka ka dhacda maantana ey tahay oo kaliya in leesu qeybiyo nin tuuta leh iyo mid biyaha ka daba sida iyadoo gobalkasta oo dowladdu qabato ey bilaabaayaan dadka gobolkaas ku abtirsada ee dibadaha dhoobanu iney dib ugusoo laabtaan bilaabaanna dibu dhiskiisa iyo horumarintiisa inta ey hoteelada LONDON amaba NEYROBI ey uga dhawaaqi lahaayeen madaxweynayaal bug ah balsa ey uga fiicnaan leheed in uu qofkastaba gobolkiisa wax la yaqaan kasoo qabto horumarintiisa iyo nabad kusoo celintiisa kidibna uu halkaas qaranka kasoo aado iyo kamidnoqoshada dowladda dhexe amaba tan heer gobol.

Ilaahey waxaan ka baryeynaa inow dalkeena nabad noogusoo dabaalo colaadahana nagasoo dhameeyo aamiin.

Walaal wixii tusaalaa amaba toosin ah kusoo dir caliwajiis@hotmail.com amaba telka ah 00966564710343 KSA.

Wixii arimo ah ee ku saabsan webka shaaciye.com kala xiriir milkiilaha webka Xuseen Madoobe shaaciyenews@hotmail.com ama shaaciyemedia@hotmail.com