Maxkamad ku taala magaalada San Diego ee dalka Maraykanka ayaa sheegtay inay dambi ku heshay 4 ruux oo Soomaali ah kuwasoo loo haystay inay taageereen Xarakadda Al-Shabab iyo ururka Al-Qacida.

 

Afartaan Muwaadin oo uu ku jiro Imaam Masjid oo magaladaasi ku yaala waxaa maxkamadu ku oogtay dambi ah inay dhaqaalo badan ku bixiyeen oo ay siiyeen Xarakadda Al-Shabab ee Soomaaliya ka dagaalanta iyo wax badan ka abaabuleen dhalinyaro Soomaali ah oo inta Maraykanka kasoo tagay falal is qarxin ah ka sameeyay gudaha Soomaaliya.

 

Gudoomiyaha maxkamada dhagaysanaysa dacwada muwaadiniintaan Soomaaliyeed Laura Duffy ayaa ku dhawaaqay in 4 ruux oo dacwadooda ay socotay muddo todobaad ay ku cadaaday dambi ah inay taageereen wax uu ugu yeeray argagixiso .

 

Maxkamadu kuma aysan dhawaaqin xukun muwaadiniintaan lagu riday hase ahaatee waxaa la sheegay in dambiga lagu hayo. Waxaana xukunkoodu dhici doonaa marka la gaaro 16, bisha May ee sanadkaan

 

 Soomaalidaan ay maxkamadu Maraykanku sheegtay inay dambiga ku heshay ayaa waxaa lagu kala magacaabaa Basal Siciid Macalin oo 36 sano jir ah oo ah darawal Tagaasida ku wada magaalada San Diego, Ciise Dhoore oo 56 sano jir ah kana shaqeeya midf ah shirakadaha lacagaha xawila Max’ed Max’ud Max’ed oo 40 sano jir ah oo Imaam ka ah Masjid ah ku yaala duleedka Magaalada San Diego iyo Axmed-Naasir Tahliil Max’ud oo sna wade Taksi ahaa.

 

Soomaali badan oo loo haysto inay taageereen Al-Shabab iyo Al-Qacida ayaa dacwdugu ka socdaan wadanka Maraykanka qaarkoodna waaba la xukumay.