Wararka naga soo gaaraya deegaamada  barri ee Gobolka Galguduud gaar ahaan degmada Galcad ayaa waxaa  Shaaciye ay u sheegeen  qaar ka tirsan dadka deegaanku in halkaas ay kooxda nabad diidka ah ee Alshabaab ka geeysteen dhac badan oo ay qalad loogu talo galay dhismaha Airporka iyo Isbitaalka Magaalada  Dugsiga Sare ee  Degmada iyo Goobo kale oo ay rabeen dadka deegaanka iyo Qurba joogta inay ka hirgeliyaan.

Degmada Galcad ayaa dabayaaqadii sanadkii 2008da waxaa weerar ba’an ku soo qaaddey  Kooxda Alshbaab  inkastoo markii aysan u suuragelin dadka deegaanka Masagaweyn iyo Galcad  Ceeldheer,ayaa si wadajira isaga caabiyey, 9 bilood  dagaal socday oo laba jeer lagu jebiyey kooxda alshabaab ayay u suuragashay kooxdaas inay  jebiyaan ciidankii Deegaanka oo la sheego ka dib markii ay waayeen  gurmad dhinacyada Saanada Hubka iyo Dawa ah markay waayeen  oo laga xigsaday dhinacyada Gobollada la deriska Gobolka , Sida Hiiraan, Shabeelada Dhexe, iyo iyo Waddada deexda ahba.

Waxaa  waqtigaas suurageliyey in ay halkaas kooxdaasi u gacan gasho, Ganacsatada, Qurbajoogta Deegaankaas oo ka gaabsaday ilaa haddana badidooda aan diyaar u ahayn horumarinta deegaanka, Dowladdii Federaalka ee waqtigaa jirtay oo aan wax caawimo ah siin deegaamadaas iyo  dhammaan beelaha deriska ah oo iyagu ku fiirsaday  dagaalkii ba’anaa ee kooxdaasi ku doonayeen inay ku hantiyaan deegaankaas.

Degmada Galcad iyo  nawaaxigeeda  ayaa waxaa ay gacanta u gashay  jiritaankooda Gumaysigii ugu horreeyey oo ay hoggaaminayaan dad deegaanka ah oo ugu Horreeyo Yuusuf Kaba ku tukade iyo gacanyarayaashiisa.

Waxaa haddaba wararka hadda ka imanayaa sheegayaan, in dhammaan Agabkii lagu dayactiray barna lagu dhisayey , Gegida dayuuradaha , Iskuulada iyo Isbitaalka ay qaateen kooxdaasi  Waxaa kale oo la qaatey hanta badan oo uu lahaa  shiikha deegaankaas Shiikh  Caamir Sh Ibraahin yare  oo si bareer ah dhammaantood ay ula wareegeen kooxdaas  Shiikh lana sheegay in la geeyey qaarkood, degmooyinka Ceelbuur iyo Guriceel, Si looga iibsado, haddaba dadka deegaanka ah ayaa sheegay meel kasta oo la geeyo hal Musbaar in aan looga hari doonin lalana xisaabtami doono waqti walba.

Waxaa sidoo kale ay burbur laxaad leh gaarsiiyeen, Masaajidadii iyo mawlacyadii deegaanka sida, Degmada Masagawaay, Ceeldheer, Cawsweyne, Budbud iyo Degmada Durdur, kooxdan ayaa waxaa ka mid ah, dadyoow iyagu  si gaar ah u ugaarsanaya  dadka deegaanka ee wax galka ah, waxaanay dhawr jeer ka gaysteen dhac dhinacyada ganacsiga iyo xoola dhaqatada.

Sidoo kale waxaa beryahan socda Abaabul xooggan oo ay doonayaan dadka deegaanku inay si wadajira isaga qaaddaan  heeryada Gumaysiga Kooxda Jid iyo Jiho diid ka ah waxaana la filayaa in dhawaan ay ka bixi doonto gacanta cadowga Alshabaab.

Shaaciyenews@hotmail.com

 

 

 

 

---

Wixii arimo ah ee ku saabsan webka shaaciye.com kala xiriir milkiilaha webka Xuseen Madoobe shaaciyenews@hotmail.com ama shaaciyemedia@hotmail.com