James Bain oo reer Fllorida ah waxaa la xiray 1974 asagoo lagu soo eedeeyay inuu kufsi, markaa wuxuu jiray 19 sano, waxaana hadda la soo daayay asagoo 54 jir ah, ka dib markuu xabsiga ku jiray 35 sanadood.

James markuu soo baxay wuxuu Mobile ka wacay hooyadiis oo 77 jir ah, asagoo xabsiga galay ayadoo aan la soo saarin Mobile.

James Bain waa ninki ugu xabsiga badnaa dadka lagu soo xiray dembi la’aanta oo gaaraaya 246 qofood, ninki ka horeeyay ugu xabsiga dheeraa, waxaa la dhihi jiray James Lee Woodard oo reer Dallas ah, 27 sanadood ayuu xirnaa kaas oo loo haystay dil aanuu geysan.

Gobolka Florida waxey siiyeen James 50,000 oo doolar sanad walba intuu xirnaa, lacagtaas oo gaareysa 1.75 milyan oo mag dhaw ah.

 

Dembiga laga galay James kama gelin xukuumadi berigaa jirtay, kamana gelin Baarlamaanki berigaa jiray iyo Maxkamadi jirtay toona, laakiin waa khalad farsamo oo la xiriirtay baaritaanki, taas oo hadda sahashay markii lagu soo caddeeyay DNA, wuxuu James sheegay inuusan ka careysneyn khaladki laga galay marba hadduu maanta helay xurnimadiisi uuna la noolaanaayo Hooyadiis iyo reerkiisa.

Haddii qof khalad loo xiray ama loo xukumay uu qaran duminaayo maanta Dowlad kama jirteen Mareykanka oo waxey u dumin laheyd 246da qofood oo khaladka lagu xiray.

Seddexda hayadood ee Dowlada, midba howl u gaar ah ayey leeyahay, Xukuumada oo ah heyadda fulinta, Baarlamaanka oo ah heyadda Sharci dejinta iyo Maxkamadda oo ah heyadda sharci fulinta, mid khaladkeeda tan kale loo saarin karo ma jirto, siddaas ay tahayna mid walba goonideeda ayaa loola xisaabtamaa, howsheedana ugu madax bannaan tahay oo aan loo fara gashan, waayoo Madaxweynihi Mareykanka ee waagaas 1974 oo uu midkood ahaa { Richard Nixon Jan.20.1969 to Aug. 9.1974 iyo Gerald Ford Aug. 9.1974 to Jan. 20.1977} labadaasba soo fara gashan dacwadi loo haystay James Bain.

 

Maanta waxaan aragnaa niman siyaasiyiin ah iyo kuwa aqoon yahano ah oo ku doodaaya {muxuu Guddoomiyaha Baarlamaanku u soo faragashan waayay, Ciyaartoyda xulka kubaada cagta} ama {Gudoomiyaha Maxkamadda Sare muxuu hishiis iskaasi ciidamada ula saxiixan waayay Faransiiska}Muxuu Madaxweynuhu Maxkamada Gobôlka uga qayb geli waayey iyo xukunkeeda.

 

Waxaad moodaa nidaamki Dowliga ahaa inuu ka dheelinaayo Gacmaha Siyaasiyiinti laga rabay iney Dadweynaha wax u sheegaan oo gacanta ka qabtaan, waxaad moodaa Siyaasiyiintaas inaaney fahamsaneyn safarka dheer ee lagu jiro, safarkaas oo la rabo in lagu gaaro waddamo aan sanado badan ka dambeeyno, loona baahan yahay in wadaanta ceelka looga soo wada saaro gacmo wadajira, lagana ilaaliyo dheeliga, waayoo Dowladdi waa dowligi (wadaanti) darka lagu waraabinaayay, waxaana la rabaa si aan u gaarno umadihi na dhaafay inaan hal heys ka dhigano {Geeloow geel fulay, gaaridoonee, haka daba fulo}.

 

Waa qalinki Axmed Xaayoow

Xaayoow09@hotmail.com