Cabdulaahi Sh. Xasan weli waxaa isaga dhex yaacsan Iriga iyo Idaha oo maba kala yaqaano

07/02/2013

.


 Waxaa dhawaanahan soo if baxayey Qolyo sheeganaya Mucaarad oo u maleeyey Mucaaradnimada Aflagaaddo iyo Been Abuur, Bal aan is barno waa kuma Mucaarad.

Mucaarad iyo Mu’ad Farqiga u dhaxeeya?
Mucaaradka Shaqsiga ah iyo Mucaaradka Dowliga ah, Mucaaradka shaqsiga ah waa qof qof ku lid ah oo tallaabaduu qaaddaba wax ka sheegaya kuna mashquulsan, mana lagu tilmaami karo mucaarad.
Mucaaradka Qaanuuniga ahi, waa kan dalka ilaaliya, Dowladdana kala siman wax kasta oo dalka wax u dhimaya, Sumcadiisa, qaranimadiisa, jiritaankiisa, iyo Maamulkiisa, Mucaaradka Fawdada ahi waa kii aynu hore u soo aragnay ee wixii aan haysanayna burburiyey wax kalena noo dhisi waayey!
Guddoomiyaha isbaheysiga nabada Soomaliyeed (SPA) ahna guddoomiyaha xisbiga nabada iyo dimoqraadiyada Cabdullaahi Sheekh Xasan ayaa muddooyinkan la soo baxay dhaliil iyo inuu mucaaraddo wax walba oo ay dowladda qabato, haddaba aan is weydiinee waa kuma Cabdulaahi?
Cabdulaahi wuxuu ku soo caanbaxay, la dagaalankii Amxaaradda iyo Dowladdii TFG wuxuuna Ahaa Afhayeenkii Beelaha Hawiye waqtigaas uu Guddoomiyaha ka ahaa, Xaaji Cabdi Iimaan Cabdullaahi ayaa muddo kooban ku soo shaacbaxay iyadoo markaas uu helayey taageerada bulshada Soomaaliyeed ee ka soo horjeeday Amxaarada iyo dowladdii wadatay, haddaba maxaa dhacay, Cabdullaahi Xasan ayaa qayladiisii waxay noqotay isuna bedeshay, Nimaan hadlin habartiis wax ma siiso, waxaa laga wacay Madaxtooyadda wuxuuna la kulmay Cabdullaahi Yuusuf waxaana la siiyey waxoogaa lacag ah, Vise Ingiriis ah oo u codsadey, iyo Pasport, kadibna waxaa la arkay Cabdullaahi oo London dhex taagan, Dowladdana taageersan.
Isku soo wada duub Mucaaradnimada Cabdullaahi maaha mid ku dhisan Wadaniyad oo loogamana baran balse waa mid ku salaysan , in dad ujeedo badan ah sida Maamulka Puntland, Cabdiweli Gaas iyo Xoosh oo hadda aas aasay Ururka Sahal iyo kooxaha ka qaylinayey London iyo Mannisota, inay fan gareeyeen Cabdullaahi iyadoo ujeedkoodu yahay lafa maroodi iyagaa laysku jabshaa.
Cabdullaahiyoow waxay ku leedahay Bulshada reer muqdisho uma baahnin, Hoggaamiye kooxeed danbe, nin kasta oo nabaddayada cariiri gelinayaana gacan bir ah ayaan isaga qabban doonaa, waxaadna Oggaataa Dowladdani maaha Imbagaatidii aad baadda ka qaadi jirtay ee waa dowlad qaran.
Cabdulaahi isaga oo Siyaasi sheeganaya ayuu Madaxweynaha ku qaadey Kiiskii wariyahana ka hadlayay, haddaba waa su’aale miyaanu Cabdullaahi kala baran, Saddexda Ha’yadood ee dowladda iyo shaqadooda, Madaxweynuhu Masuul kama aha, Garsoorka, Sababtoo ah Garsoor waa Ha’yad la mida Barlamaanka iyo Xukuumadda, wada shaqayna ka dhaxayso, hadaba Cabdullaahi ma wuxuu garan waayey, Maxkamadda Sare iyo Guddoomiyaha Garsoorka , wasiirka Caddaalada iyo Awqaatfa, Xeer ilaaliyaha Guud ee dowladda inuu wax weydiiyo ama dhaliilo hadduu wax tabanayo, haddaan sacabka xeel laga lahayn maxa habeenkii loo tumaa!
Cabdullaa waxaa owsan kala aqooninba in Dowladdani tahay dowlad sax ah, tii oow ka dhex qeyli jiray ee Madaxweyne Shariifna ay aheyd ku meeel gaar waaxaanaba isaga dhex yaasan Iriga iyo Idaha kuwaasoo owsanba kala aqoonin.
Cabdullaahi waqtigii dowlad diidku waa dhammaadey, hana ku sifoobin Dawaco meeshay Macal uga baratey macaluul uga baqtidaa, dib u dhiska dalkaaga ka qayb qaaddo, qalalaasaha iyo qaylodhaanta aad waddona reer muqdisho uma baahna, oo maanta caddowgoodii oodhan ayaa ka xun iftiinka nabadda iyo wanaaga ka soo if baxaye, ha noqon, geedkii masaarta ku daabnaa ee noqo muwaadin dalkiisa sidii mugdiga looga saari lahaa tubteeda raaca.

Wixii arimo ah ee ku saabsan webka shaaciye.com kala xiriir milkiilaha webka Xuseen Madoobe shaaciyenews@hotmail.com ama shaaciyemedia@hotmail.com