SHAACIYE 13-02

Hees cusub oo la magac baxday "Sii daayaa lamaanaha"

Abwaan  Soomaaliyeed oo degan magaalada London magaciisana la yiraahdo Cabdi Shire Jaamac ‘’ Ciyaar Jecel’’ ayaa mar kale waxa uu soo saarey Hees cusub oo uu kaga hadlaayo la haystayaasha lamaanaha u dhashay dalka Ingiriiska ee lagu haysto dalka Soomaaliya gaar ahaan degaanka Xarar Dheere, islamarkaana tusaalayn ku  waydiisanaayo  afduubayaasha haysta inay sii dayaan lamaanaha ( RELEASE THE COUPLE).

 

 

Abwaanka ayaa hore u curiyay heeso cusub uu ku cabiraayo dareenkiisa Soomaalinimo islamarkaana bulshada Soomaaliyeed kula qaybsanaayo marxaaladaha kale duwan ee jira, heesahaasna waxaa ka mid ahaa Yaan La Dooran, Hala Doorto, Qaylo Dhaan Waawareey. Heestaan Cusubna waa  ‘’SII DAAYA LAMAANAHA’’,waxaan qadka Telefoonka kula hadlay Abwaanka oo markaas ku sugnaa aqalkiisa si aan wax uga ogaado heesta cusub iyo sababta ku dhalisay inuu soo saaro.

Maxaa kugu  dhaliyay sameynta heesta Sii daaya Lamaanaha?
 
Abwaan Cabdi Shire Jama (ciyaar jecel):Yusuf, ma hayo hal jawaaba oo kaliya balse heeska laftiisa ayaad ka dhex heli karta sababta aan u curiyay, intaas markaan ka gudbo, shaqooyinka meheradaha  ii ah waxaa ka mid ah turjubaanimo oo aan ku jiray ilaa 1991. Maxkamad dalkaan Ingiriiska ku taal oo aanan tagin ma jirto. xataa tan house of lords oo hadda loo bedelay maxkamada sare/supreme court, 1998 ayaan waxaan saddex casho kaga qeyb qaatay kayskii sameynta weyn ku yeeshay sharciyada qaxootiga oo la yirahdo Aden iyo Nooh. Marka shaqadaas turjubaanimada ah waxaan ka kasbaday waayo aragnimo dheer oo aan u yeeshay bulshada Soomaaliyeed, dhibka iyaga loo geysto iyo midka ay iyada ka gasho dadka iyo dalkaan aan magangalyada weydiisanay. Waxaan hayaa xoggo  aad u foolxun oo ay geysteen dad soomali ah oo ay dhici karto in caqliga saliimka ahi uu diido uuna yiraado qof Sommali ahi kama suurtowdo in uu galo dambe ceynkaas ah. Balse ogow dambiyada ugu xun- xun uguna foosha xun waxaa sameeya Soomaalida. Waxa halkaan ka dhacaya marka aad ku kabtid kuwa Soomaaliya ka dhaca, hadde sow Cabdi Shire oon gabyi jirin gar uma laha in uu muunso-muunsoodo ee uu gabyo.

Heestii Qaylo dhaan maxaa iyadana kugu dhaliyay?
Abwaan Cabdi Shire : Heesteydii qeylodhaan sababihii igu dhaliyay  waxay ahayd anigoo TV Universal ka daawanaya gurigayga ayaa waxaan ka arkay gabar Soomaaliyeed oo ka ooyaysa ardaydii iyo barayaashii Jaamacada Banaadir ee lagu xasuuqay Qaraxii Hotel Shamow, intaan qolka galay ayaan damcay inaan anigana ku ooyo oo baroorto laakinse baroortii iyo uur kutaaladii Qaraxii Hotel Shamow waxaa ka dhashay heestaan Qaylo dhaan Waawareey.

Ma noo fasiri kartaa heesta Lamaanaha aad u qaaday kuna codsatey in la sii daayo? Yaase kugu dhiirigaliyay inaad soo curiso heesta Lamaanaha?

Abwaan Abdi Shire Jama :Heestaan lamaanaha iyada ayaa fasiraad isugu filan oo waxa igu dhaliyay waa waxaa ay ka hadleyso. balse dhowr nin baa igu dhiiri galiyay. Wxayna kale yihiin Cabdislaan Hareeri , Cabduladir Xaaji Masale iyo Fanaanka Soomaaliyeed ee Keynaan. Labada nin ee hore taleefoon ayaan si gooni gooni ah isug soo qaadnay baahida loo qabo in dadka Soomaalida ah ee ku nool dalkaan Ingiriiska ay dowr lixaad leh ka qaataan sidii loo sii deyn lahaa lamaanaha.

Keynaan, isaga xiriir meynaan yeelan balse waxaan dhageystay mar laga wareysanayay burcad badeeda. Runtii wareysigaasi wax weyn buu ku kordhiyay maskaxdeyda gaar ahaan difaaca uu difaacyay in ay Soomaalidu xaq u leedahay in ay badeeda ka difaacato burcad badeeda waaweyn ee shisheeyaha. Markaas baan sameeyay qeybtaan ka midka ah heestaan Sii daaya Lamaanaha oo oraneysa: DOOMAHA SHISHEEYEE, DOOXATADA KU YIMIDEE, DALDALAAYA KHEYRAADKA, DADALAAYA XOOLAHA, SUNTA AY KU DAADSHAAN, BADEENA KU DAADSHAAN, WAA IN LALA DAGAALAA, KULIGEEN LA DIRIRNAA, DIFAAC QARANA WEEYAAN.

Maxa heestan Fanaanka Soomaaliyeed Keynaan ugu dhiibi waysay inuu qaado? Madaama uu arimaha Burcad Badeedka marar kale duwan kaga hadlay aragtidiisa wareysiyo lagala yeeshay

Abwaanka ayaa si geesinimo u leh u yiri ‘’ Haddi aan Keynaan aqoon lahaa isaga ayaan heesta u dhiibi lahaa maadaama uu gacan iga siiyay sameynteeda.

Heesta SII DAAYA LAMAANAHA yaa hada kuwada luuqaynayaa ?

Heestaan waxaa gacan ka geystay dad Soomaliyeed oo aad u tiro badan.  Sida Muusikada waxaa saaray Cabdixakim ciise Geedi, Laxanka waa Jooqle Shire. Fanaaniina ku luuqeynaya waa:
1. Fu'aad Cumar Cabdi, 2.Maxamuud cumar Cabdi, 3.Jooqle Shire Jaamac, 4. Xuseen Shire Jaamac, 5. Shamso Maxamed Food, 6. Jihaan siyaad(jihaan Jalaqsan) iyo 7.Khalid Diini Shire.waxaa kale ee gacan a geystay Maamulka universal tv, gaar ahaan inj. Axmed iyo Abuukar Mahdi.

Heesta ‘’ SII DAAYA LAMAANAHA’’

 DAGAALKII SOKEEYAHA,

DIBINDAABYADIISIYO

WALI DIIFTII MAY HARIN

DADKII WEY QAXEENOO

QAARBAA DAGAAGII

DIYAARADA RAACOO

CARRO GAALO SII DAGAY

DIIR NOOMA EEGINE

AADANIMO DARAADEED

BEY NOO DARYEELEEN

DIB U BILOWNAY NOLOSHII

DIINTEENA MUDAN IYO

 DUGSIYADA QURAANKANA

 CIDU NOOMA DIIDOO

 WAA LOO DAREERAA

DAMEERKAAN AXSAAN FALIN

KALA GARAN DARIIQYADA

 DAW WUXUU U LEEYAHAY

 UMUSHAA DORAAD IYO

 SHALAY DAMAQII SOO MARAY

 DEG DEG UGU ILOWDEE

 SIDEEBAAN DADKAAS WACAN

 DAARAHOOD U DUMINAA

 DARISKOOD U DIIDNAA

 DOOFAAR UGU NIRAAHNAA

 OGOW DULUCDA HEESTAAN

 WAXAAN UGA DAN LEEYAHAY

 DOOMAHA  SHISHEEYEE

 DOOXATADA KU YIMIDEE

 KALLUUN KEEN DANGIIGIYO

 DALDALAAYA XOOLAHA

 SUNTA AY KU DAADSHAAN

 BADEENA AY KU DAADSHAAN

 WAA IN LALA DAGAALAA

 KULIGEEN LA DIRINAA

 DIFAAC QARANA WEEYAAN

WAXA NAGA DARDAARANA

 DAMBI RUUXAAN KAA GALIN

 OO DALXIIS KU JIRA OO

 DAWAAFAAYA  BADAHAAS

 DAMAC INAANU KAA GELIN

 RABAA DEEQA BIXIYOO

 IDIIN DOOJINAAYEE

 AAN IDIIN DUCEYNEE

 SII DAAYA LAMAANAHA

 RACHAEL IYO DUQEEDABA

 PAUL IYO DUQDIISABA

 ABAAL DURUGSAN BAA JIRA

 DADKOODA AAN U  HEYNEE

SII DAAYA LAMAANAHA

AAN IDIIN DUCEYNEE

Dhamaad

NB:

Waxaan umadda Soomaaliyeed meel kasto oo ay joogtaba gudaha iyo dibadaba laga codsanayaa inay gacan ka gaystaan sidii lamaanahan  looga sii dayn lahaa dadka gacanta ku haysto madaama ay yihiin dad masaakiin ah oo socoto ah oo waxba galabsan, hadii aan ku doodi jirnay inay wiilasha Soomaaliyeed yihiin kuwo daafacaya baddaha Soomaaliyeed ee lagu hayo dhaca  xaalufinta kaluunka iyo Khayraadka islamarkaana lagu shubo Qashinka sunta, waxay ahayd mid sax ah laakinse dad socoto ah oo aan dambi kaa galin in la qafaasho waxay hoos u dhigaysaa  ku doodistii ay dadka Soomaaliyeed  ku doodayeen inaysan ahayn burcad baddeed wiilasha daafacaya badda Soomaaliya, marka waa waajib inaan kuligeen u gurmano sidii lagu sii dayn lahaa dadkaas dhiban islamarkaana loogu qancin lahaa hada kadib inay kale saaraan dadka caadiga ah iyo kooxaha dooxatada ah ee badda Soomaaliya dhibaatada ku haya

W/D:YUSUF MOHAMED ABDI YUSUF

mrsomalia@hotmail.com

London

 

Kala Xiriir Xafiiska Shaaciye ee  Xuseen Madoobe shaaciyenews@hotmail.com,    ama webmaster@shaaciye.comtt

tApple iPhone 3G 8 GB Black
iPhones unike egenskaper sammen med best mobildekning, gir deg maksimalt med surfeglede og mange nye mobilopplevelser!

Apple iPhone 32 GB Black 3GS
Nyhet! iPhone 3GS, tidenes raskeste og kraftigste iPhone kombinert med best mobildekning, gir deg maksimal surfeglede og mange nye mobilopplevelser. Pga stor etterspørsel kan det ta noe tid før du får din iPhone levert dersom vare ikke er bekreftet på lager. Forventet leveransetid er i de tilfeller to til fire uker fra bestillingsdato. Please provide two to three detailed paragraphs below, explaining why your nominee should appear in Muslim Girl Magazine. Highlights should include background, interests, hobbies and accomplishments PLUS why your nominee stands out and how she is making a contribution.